Дом Дружбы народов /
  • Иворъёс
  • Гужем «пӧсь» луоз тунсыко проектъёсын
  • Гужем «пӧсь» луоз тунсыко проектъёсын

    7 июня 2018 г.


    Таиз гужем трос тусныско проектъёсын узыр луоз. 9 еросъёс дасяськись ужрадъёссы сярысь элькунысь культурая но туризмъя министерсвоын ивортӥзы.

    Туэ гужем «пӧсь» луоз Шаркан ёрос понна. Нырсетӥез ортчытоно бадӟым ужрадзы, кудзэ та аръёс ӵоже тужгес но яратӥзы ни шаерамы но солэн палэназ улӥсьёс финн-угор сиён-юонлы сӥзем «Быг-быг» фестиваль. Туэ со 5-тӥзэ радъяськоз. Возьмало Эстониысь, Румыниысь, Марий Элысь, Комиысь но Москваысь куноосты. Нош паймытыны луоз маин — таяз радэ солэн выль тодметъёсыз кылдозы.

    «Котькуд калыкъёс пӧрало асьсэлэсь сиён-юонзэс яке кыӵе ке но мукет калыкъёслэсь, — шуэ Быги гуртысь культурая ценртлэн кивалтӥсез Жанна Ермолаева. — Татын ик соос быгато сое вузаны. Со понна милям вань асьме валютамы — со фестивальлэн фишкаез луэ. Валютамы нимаське быг. Котькуд адями аслэсьтыз коньдонзэ быглы воштоз. Но солы аслыз кельшымон сиён басьтоз».

    Шарканъёс туэ паськытгес радъялозы быдэ вуонлы сӥзем «Эру» фестивалез но. Азьло со Зар-Вишур гуртын ортче вал. Туэ егитъёсты Тол Бабайлэн резиденцияз возьмало.

    Куноослы озьы ик шумпотозы Сарапул ёросын. Инвожо пумын «Высокий берег» фестиваль радъяськоз. Глазов ёросын «Пестросаес» фестивальлы дасясько. Ижкарысь чеберлыко киужъёсъя центрын куиськонъя Росси школа усточиосты возьма.

    «Кин ке но президент грантъёс пыр коньдон кыскиз, кин ке но «Культура России»  федерал программаысь уксё поттӥз. Нош ми софинансирование амалъя коньдон утчам, соин ик котькудӥз фестиваль аспӧртэм», — вераз Элькунысь культурая но туризмъя министр Владимир Соловьёв.

    http://www.myudm.ru/