Грузиысь велопутешественник Нодар Беридзе Ижкаре вуылӥз

Велосипедист Дальний Востокез, Сибырез но Уралэз ортчиз. Оглом 30 кунъёсы вуылыны малпа. Марафонлэн валтӥсь ужпумез — тупаса улонэз но ӟеч бускель кусыпъёсты вӧлмытон, со пӧлын Россия но Грузия куспын.

— Ӵектослэн валтӥсь ужпумез — тупаса улонэз но ӟеч бускель кусыпъёсты, спортэз, тазалыко улонэз, атыкай музъемез гажан мылкыдэз, гажанэз, чиданлыкез вӧлмытон. Туннэ асьмелэн уг тырмо пальпотонъёс, нылкышноосты, пиналъёсты, пересьёсты гажан мылкыд. Ваньмыз со умойгес мед луоз вылэм, — шуэ Нодар Беридзе.

Ӵектосэ спорт удысысь тодмо адямиос пырисько. Соос пӧлын нюръяськонъя олимпи чемпионъёс Александр Карелин, Михаил Мамиашвили но мукетъёсыз. Велопробегез бакель кариз Грузиысь патриарх Илия Второй.

Путешествиез дыръя Нодарлы кӧня ке пол возьмамтэ интыосын уйзэ ортчытъяно луиз. Кылсярысь, полицилэн ёзэтаз. Ӵемысь сое дразы ӧтьылӥзы огшоры адямиос.

Сюрес вылын пӧртэм учыръёс луылӥзы. Грузиысь кунолэн верамезъя, тужгес секыт вал кезьытъёс дыръя.

Ижкарысь велосипедист Башкортостанэ мыноз. Азьпалан кӧня ке дасо сюрс иськемъёс. Марафон йылпумъяськоз спорт парадэн вуоно арын 26-тӥ куартолэзе Тбилисиын, Грузилэн эрик басьтэм дырысеныз 100 ар тырмон нуналэ.

http://udmurt.media/udm/news/obshchestvo/23499/

 

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий