Горд сюез лулӟыто арлыдоос.

Горд сюйя мастерской 15-тӥ куарусенысен ужа. Та дыр ӵоже шӧдиськиз ини – мылкыд карисьёс трос. Ӧнерчи Надежда Иванова арняяз 2 пол 4-5 адямиосын ужа. Кулэ луись материал – нош со горд сюй, ёросын выли ӟечлыко. Юнме уг шуо, быдэс шаерамы умой горд сюйлэн интыез Якшур-Бӧдьяын гинэ.

«Таӵе бадӟым проект нырысьсэ вуиз Удмуртие, – шуэ Якшур-Бӧдья ёросысь кибашлыослэн центренызы кивалтӥсь Ангнлина Исаева. Сое гожтизы ЦДПИ-ысь ӧнерчиос. Нимаське со "Фонд поддержки филантропии создавая возможности города Москвы". Та проектъя мӧйы муртъёсты горд сюен ужаны дышетоно. Ӵемысь соос доразы мӧзмыса уло яке уг тодо, мар борды басьтӥськыны. Малпаськом, татын ужаса соос малы ке но дышозы. Соос быгатозы вузаськыны, асьсэлы ик кыӵе ке но юрттэт луоз».

Проект ӵоже 90 адямиез дышетыны кулэ. Арлыдоослэсь ужъёссэс туспуктыса, тыршемзэс видеое гожтыса, материал Москвае келямын луоз – сыӵе куронэз ужӵектослэн. Шоркарын проектэз устоен лыдъязы ке, сыӵе ик мастерскойёс шаерысьтымы эшшо 2 кибашлыослэн юртазы усьтӥськозы на – со Вуж Моньялан но Узей-Тукляын.  

Дом Дружбы народов
Добавить комментарий