«Гербер» шулдыръяськон 2018-тӥ арын Ува ёросысь Пекшур гурт вӧзын ортчоз

«Со кыдёкын ик ӧвӧл — Уваысь Сюмси пала 5–6 иськемын. Инты туж чебер, вырйылын, отын луоё музъем — зоръёс луизы ке, калык медаз нӧды», – вераз Ува ёрос администрациысь Лулчеберетъя но егитъёсын ужан политикая управленилэн кивалтӥсез Марина Головизнина.

Министерствоен та пумиськон нырысетӥез вал, табере Ижкарын люкаськыны вераськизы. Отын лулчеберет удысын ужасьёс кенешозы, марлы саклык висъяно сценариез гожтыку, оглом шулдыръяськонэз ортчытыку.

Марина Головизниналэн верамезъя, ёросын радъясь комитет кылдытэмын ни, али кин но мар понна кылкутоз шуыса кенешонъёс мыно. Нош сценарийлэн радлыкез 1-тӥ толсур котырын дась луоз шуыса чаклало.

«Министерство куре, режиссёрзы соос ласянь мед луоз шуыса, но ми асьмелэсь ӵектонъёсмес соослы сётомы. Милям йылолъёсмыя мед луоз шуыса потэ. Кылсярысь, милям малпанмы вань, кыӵе конкурс ёросъёслэн тӧрооссы понна ортчытыны (тӧроослэн конкурсъёссы отын котьку луыло), асьме воршудъёс сярысь. Али ми эскериськомы, кыӵе воршудъёс улӥзы Ува ёросын», — вераз Марина Головизнина.

Тодэ вайытом, 2017-тӥ арын «Гербер» элькун шулдыръяськон Можга ёросысь Пичи Сюга гурт вӧзын ортчиз, ужрадэ 8 сюрслэсь трос адями пыриськиз.

http://udmurt.media/udm/news/kultura-i-turizm/27432/

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий