Выль персонажъёс кылдозы Гракысь Баба Ягалэн юртаз

Али резиденциын Выль ар котыр лыктӥсь туристъёсты пумитаны дасясько: выль дӥсьёс вуро, техника но аппаратура басьто.

«Милям Баба Ягамылэн резиденциез азинскон понна миллион манет утӥз. Вожвылъяськонэз лулчеберетъя министерство ортчытӥз. <…> Ар талэсь азьло вань каналъёстӥ веразы вал, Баба Ягалэн резиденцияз тылпулы пумит сигнализациез ӧвӧл шуыса. Тани та ужпумез сэрттон-пертчон понна но коньдон кутӥськиз», — ивортӥз Грак ёрослэн тӧроез Виктор Белов.

Баба Ягалэн резиденцияз программаез ӟеч дасямын но пырон билетлэн дуныз пичи ке но, трос туристъёс вуылэмен со ушъяськыны уг быгаты на. Шуг-секыт 6 иськем сюрес бордын, кудӥз тулыс но сӥзьыл автобусэн ветлонтэм луэ.

«Туристъёсын автобус асфальт вылтӥ ветлыны чакламын, татчы лыктыкуз солэн шуг-секытъёсыз кылдо. Кӧня ке пол вал ни озьы, соос дугдоно луо, туристъёсты вуттон понна ми мукет юрттӥсь транспорт утчаны кулэ луиськомы. Бульдозерен но нӧдэм автобусъёсты поттаммы вань», — шуиз Виктор Белов.

Выжыкылысь геройёс бускель Татарстанын но вань ке но, толалтэ но гужем тросэз туристъёс ӵапак Гракысь Баба Яга доры куное лыкто, сюресэн шуг-секытъёс уг дугдыто.  Али резиденциын 15-тӥ толсурысен кутскыса экскурсиосы гожтӥськемын ни.

http://udmurt.media/udm/news/kultura-i-turizm/27321/

 

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий