Выль книгаен тодматскон

Нырысетӥ бичетэ 200 пала ожгарчиослэн нимъёссы пыризы. Азьпалан потозы на эшшо 3-ез. Отчы пырозы Быдӟым Атыкай ожын быремъёс, ышемъёс, ожысь бертэмъёс сярысь но ивортонъёс.

Быдзым Атыкай ожлэн гудыръямез пумен кыдёке но кыдёке кыле. Фронтын бырем, ышем солдатъёслэн нимъёссы но вуно, бертэмъёс пӧлысьтымы кошко, озьы ик вуно. Со бадӟым янгыш, — шуэ книгалэн авторез Александр Леконцев. Вунэтыны уг яра, соослы луыса туннэ чылкыт инбам улын улӥськом. Книга бордын ужакуз автор улосчиосызлэсь 400 пала выль нимъёссэс шедьтӥз.

«Вань ёросамы сыӵе адямиос, кудъёсыз орден, медаль но басьтыса ӧз вуэ, соос быризы война кутскон дыръя ик, — вера книгалэн авторез. — Тӥни сыӵеос сярысь гожъям потэ.  Али вӧтъёсам но туж ӵем лыкто ожгарчиос. Адӟисько соослэсь туспуктэмъёссэс, куддыр соос мыным мар ке вераны тыршо. Мон малпасько, соос мыным юрттыны туртто, монэ утьыны выро. Та книгаелы туж шумпото солдатъёслэн ӵыжы-выжыоссы. Соос монэ ӟигыръяло, чупало та уж лэсьтэм поннам».

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий