Выжы калыкъёсын пумиськылонъёс

Со улсын миым куарусён толэзьысен ини лыдӟиськоннилэн шаертодонъя ёзэтаз этнографияя пумиськонъёс ортчыло. Котькуд занятие сӥземын луэ шаерамы улӥсь калыклэн лулучеберетэзлы.

«Нырысетӥез пумиськонмы удмуртъёслы сӥземын вал, – вера библиотекаын ужась Марина Пахомова . – Ӧтьылӥмы «Шунды» огазеяськонлэсь азьветлӥсьёссэ. Соос ӟуч нылпиосты тодматӥзы удмуртъёслэн вашкала но туала дӥськутъёсынызы, собере возьматӥзы удмурт шудонъёсты».

Сыӵе ик пумиськонъёс ортчытэмын поръёслэн , белорусъёслэн, бигеръёслэн, азербайджанъёслэн, ӟучъёслэн азьветлӥсьёсынызы.

«Соос ветлӥзы асьсэ дӥсен, – азьланьтэ Марина Пахомова. – Пиналъёслы туж тунсыко йӧтэ калыкъёслэн кырӟанъёссы, эктонъёссы,  мыло-кыдо пырисько соослэн шудонъёсазы».

Лыдӟиськонни таӵе пумиськонъёс толэзьлы одӥг пол радъя.  Отчы пырисько Ижкарысь 40 номеро школаысь  1-2-ти  классъёс. Сӥзьылысен ӵектос азьланьтӥськоз.  Вуоно дышетскон арысен ужазы мукет школаосты но классъёсты кыскыны чаклало.

www.myudm.ru/

 

Контентмейкер, мемолог и журналист

Дом Дружбы народов
Добавить комментарий