«Возжайка» удмурт ансамбль Татарстанлэн азьмуртэзлэсь коньдонкузьым басьтӥз

«Возжайка» коллектив Менделеевск ёросын 1988-тӥ арын кылдӥз. Ансамбль  удмурт крезьгур сямъёсты утён бордын ужа. Артистъёс калык кырӟанъёсты быдэсто но удмурт йылолъёсты возьмато. Трос пол коллектив ёрос, элькун но улосвылкуспо вожвылъяськонъёсын но фестивальёсын вормисьёс радэ шедьылӥз.

Удмурт коллектив сяна, коньдонкузьымъёс басьтӥзы «Шур сал» («Ошмес») чуваш ансамбль, «Лай мардеж» («Ыркыт тӧл») пор коллектив, «Водограй» украин ансамбль, «Зобэржэт» бигер коллектив но «Бездненские Зори» ӟуч ансамбль.

Фольклор коллективъёсты пусъёнын Рустам Минниханов вераз: «Тупаса улонэз утён, кылъёсты, лулчеберетэз но йылолъёсты азинтон ми понна котьку но вал но луоз валтӥсь интыын. Со понна кун программаос быдэсъясько, лулчеберетъя юртъёс ӝутӥсько но калык коллективъёсты азинтыны луонлыкъёс кылдытӥсько».

https://udmurt.media/udm/news/kultura-i-turizm/44768/

 

Контентмейкер, мемолог и журналист

Дом Дружбы народов
Добавить комментарий