«ВКонтакте» мерлыко вотэсын удмурт кыл азьмынӥсь

Ӧнерчиос 49 кылъёс пӧлысь Вотэс бамысь 35-сэ гинэ шедьтӥзы. Озьы ик шараяськизы 1630 огинлыкъёс, кытын Россиысь ӧжыт лыдъем калыкъёслэн кылынызы гожтэм одӥг ке но текстэз вань.

Азьмынисьёс луизы удмуртъёс. Соослэн 300 пала огинлыкъёссы пусйемын. Кыкетӥ интыын – башкир кыл, куинетӥ – якут. 10 азьмынӥсьёс пӧлы озьы ик пыризы тува, бигер, ингуш, чуваш, бурят, пор но калмык кылъёс.

Экпертъёс интернетын мукет эскеронъёссылэсь лыдпусъёссэс шараяло. 49 ӧжыт лыдъем калыкъёслэн кылъёссы пӧлысь шедьтӥзы 48-сэ, кудъёсызлэн одӥг ке но вотэс бамзы шедьтэмын. Нош огъя Россиысь ӧжыт лыдъем калыкъёслэн 379 сайтъёссы вань. Тужгес но трос сайтъёссы башкиръёслэн (74), бигеръёслэн (59), якутъёслэн (52).

Озьы ик тодмо луиз вотэс бамез уже кутӥсь ӧжыт лыдъем калыкъёслэн арлыдзы – со 19-сен 31 аресось егитъёс. Тужгес но «егит» кыл – чукот. Тужгес но «арлыдоез» – коми-зыръян.

Контентмейкер, мемолог и журналист

Дом Дружбы народов
Добавить комментарий