Венгер кылын потэм «Вуж Мултан» романэн тодматскизы Кизнер ёросысь Вуж Мултан гуртын улӥсьёс

Соин тодматскизы Удмурт кун университетын. Таяз радэ удмурт йӧскалык библиотека кичӧлтэмъя, удмуртъёсты, адямиез вӧсяло шуыса, янгыше уськытэм интые — Вуж Мултан черкогуртэ, бадӟым делегация потаз: тодосчиос, дышетӥсьёс, лыдӟиськонниосын ужасьёс но журналистъёс.

Кизнеръёс понна Михаил Петровлэн «Вуж Мултан» романэзлэн венгер кылын потэмез нимысьтыз пусйымон. Угось, удмурт калыклэн историысьтыз та «сьӧд уж» ӵапак татын ортчемын.

«Вуж Мултанэз» берыктон борды басьтӥськи тодмо венгер тодосчи Янош Пустаи ӵектэмъя, — шуэ кылысь кылэ берыктӥсь Иван Хорват. – Со дырозь роман сярысь кылэм но ӧй вал, но берыктонъям синмаськи».

Книгаен тодмасткон бере, ужрад азьланьтӥськиз Вуж Мултан гуртын. Ӵапак татын 121 ар талэсь азьвыл ортчизы удмурт калыкез ултӥяны турттон ужъёс. Туннэ татын нимысьтыз музей ужа. Со интыяськемын янгыше уськытэм одӥгез удмурт воргоронлэн коркаяз. Удмуртъёслы юрттон ужен вырыкуз, со юртэ дугдылӥз тодмо писатель Владимир Короленко.

http://www.myudm.ru/

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий