Валтӥсез ужпум – Удмуртие туристъёсты кыскон

Валтӥсезужпум – мукет улосвылъёсысь, кунгож сьӧрысь но Удмуртиысь туристъёсты кыскон. –ивортэ «Удмуртия» агентство.

«Центрез кылдытон сярысь малпаськыны кутскимы кемаласьгес. Куке эскерыны кутскимы, мар угтырмы туризмез азинтон понна, валамы, нырысь ик уг тырмы ивортодэт. Инфраструктура асьмелэн вань, вань кунокуаос, ресторанъёс, сюресъёс, поездъёс. Туннэ усьтӥськись ивортодэтъя центр— нырысетӥ люкетэз гинэ. Ми валаськомы, вань кытчы кыстӥськыны, вань кинлэсь дышетскыны. Тросаз улосвылъёсын таӵе центръёссы 10 ар вань ни. Та центр пыр асьмелэн аспӧртэм улосвылмылэн туризмъя луонлыкъёсыз сярысь вань ивортодэт басьтыны луоз» – вераз элькунысь лулчеберетъя нотуризмъя министр Владимир Соловьёв.

Вань ивортодэтэз мылкыд карисьёс дунтэк басьтыны быгатозы. Ас кожазы ветлӥсь туристъёс понна нимаз висъет ужа, группаосты бадӟым залын пумиталозы. Кунгож сьӧрысь лыктэм муртъёсын англи кылэз тодӥсь ӧнерчиос вераськозы. Али испан кылэз тодӥсь ӧнерчиез утчало, угось трос туристъёс лыкто Латин Америкаысь.

Ӝоген центрлэн visit-udmurtia.ru сайтэз ужаны кутскоз. Отысь нылпиослы, ляб тазалыко муртъёслы туръёс сярысь но тодыны луоз. Озьы ик мобильной приложение ужаны кутскоз.

Дом Дружбы народов
Добавить комментарий