Вавож ёросын гурт нылкышноослэн сюлэмшугъяськонъёссы сярысь кенешизы

19-тӥ оштолэзе Вавож ёросысь Выль Бия гуртын «Гурт нылкышноос туала» улонын нимо ёроскуспо конференция радъяськиз. Гуртысь культурая юртэ люкаськылӥзы Вавож, Сюмси, Сьӧлта, Ува ёросъёсысь нылкышноос.

Гурт нылкышноосын кенешыны вуылӥзы Удмурт нылкышно кенешлэн кивалтӥсез Надежда Степанова но Нылкышно кенешчиос – психолог Ольга Глухова, эмчи Любовь Леонтьева, корреспондент, кылбурчи Любовь Тихонова.

Надежда Степанова тодматӥз удмурт нылкышно движенилэн историеныз но удмурт калыклэн тужгес лэчыт ужпумъёсыныз. Нимысьтыз саклык висъяз семьяын анай кылэз гажан мылкыд пыӵатонлы но гурт нылпи садъёсын, школаосын удмурт кыл дышетонэз радъянлы. Кызьы нылпиосын, кузпалэн ӟеч кусыпъёс радъяно, пыр-поч мадиз психолог Ольга Глухова. Делегатъёс озьы ик кенешизы анайлэсь но нылпилэсь тазалыксэ утен , удмурт семьяен ужан ужпумъёсъя.

Гуртоослэн луонлыксы вал психологлэсь но эмчилэсь дунтэк консультация басьтыны. «Пумиськонмы туж пайдаё ортчиз. Удмурт кылын вераськись ӧнерчиосмы асьмелэн туж ӧжыт. Азьланяз асьме ёросамы но психологен пумиськон радъяны кенешим» – ивортӥз Сюмси ёросысь Нылкышно кенешлэн кивалтӥсез Раиса Волкова.

Дом Дружбы народов
Добавить комментарий