Вавожын велопробеге 70 мурт пыриськиз

Отчы пыриськисьёс, велосипедъёссы вылэ пуксьыса, Вавожысен мынӥзы Гурезь -Пудгаозь. Ог 70 мурт пыриськиз “Чагыр кышет” нимо велопробеге. Сое радъяз Вавожысь ёрос музей.

Вера ужъюртлэн кивалтӥсез Ирина Ложкина: «Таӵе зарни сӥзьыл вакытэ ми малпамы ортчытыны велопробег. Отчы люкаськизы 70 пала адямиос. Ваньмы вал чагыр кышетъёсын. Вавожысен ми ширтӥмы Гурезь-Пудга гуртэ, кытын Кузебай Гердлэн музеез вань. Отын ми буямы вань ӟусъёсты чагар кышет орнаментэн. Собере лыдӟимы Гердлэсь «Та яратон чагар кышет» кылбурзэ».

15 иськемез асьсэ велосипедъёсын ортчизы ёрос администрациын, школаыосын, клубъёсын ужасьёс.

«Выльысь пумиськомы ми 1-тӥ шуркынмонэ Гердлэн синпелетэз дорын. Со нуналэ улосчимес ыбизы бере, котькуд ар ми отчы люкаськиськом, кылбуръёссэ лыдӟиськом. Нош ӵукна ик уже мынӥсьёслы кылбуръёсыныз листовкаос люкылӥськом».

http://www.myudm.ru/

Контентмейкер, мемолог и журналист

Дом Дружбы народов
Добавить комментарий