«БУДӥськом» диктант гожъяса

БУД – со вань мылкыд карисьёс понна, удмурт кылъя визь-нодэз сынан вылысь диктант. Ужрадлэн валтӥсь малпанэз – удмурт кылын шонер, чебер но вольыт гожъяськонлы саклык висъяны.

Туэ сое гожтыны луоз кык амалэн: Удмурт Кун Университетын (12 часын) но «Мынам Удмуртие» радиолэн меӵак эфирез улсын (15 часын).

"Бадӟым удмурт диктантлэн" текстэз туэ сӥземын луоз Элькунысь калык художниклы Семён Виноградовлы. Дано суредась туэ 80 аресъем юбилейзэ пусйиз. Нош текстлэн авторез – озьы ик туэ 80 арес тырмонзэ пусъем Элькунысь калык писатель Василий Ванюшев. Писатель уж борды басьтӥськиз ни. Быръемын луоз Семён Виноградовлэн улонэныз-уженыз герӟаськем тунсыко учыр. Угось, туэ юбилейзэс пусъем дано ӧнерчиос егит дырысенызы тодмо.

Котькудӥз диктант гожтӥсь басьтоз пыриськемез сярысь сертификат. Янгыштэк гожъясьёслы дасямы кузьымъёс. Со сяна очной диктантын пусъемын луозы пӧртэм номинациосын вормисьёс:

тужгес егитэз, тужгес мӧйыез, самой чебер гожъяськисез (почеркъя), тужгес янгышасьтэм журналист но мукетъёсыз.

Дом Дружбы народов
Добавить комментарий