Ужрад Ижкарысь Киров паркын радъямын вал, старт сётизы «Купол» стадионын. Киосазы бодыосын бызьылыны мылкыд карисьёс одӥгысен 20 иськемъем сюрес вылэ потӥзы. Скандинав амалэн ветлонъя федерацилэн вице-президентэз Михаил Пасынков верамъя, фестиваль умой ортчиз.
«Туж трос кунгож сьӧрысь лыктэм спортсменъёс люкаськизы. Нош огъя 400-лэсь ятыр адямиос пыриськизы», — шуиз со.
Бодыосын ветлонъя фестиваль – ӟеч уж лэсьтонъя акци. Ужрадэ пыриськон понна калыклэн тырем коньдонэз пыктос висенэн курадӟись нылпиослы мыноз.
