Билингвизмъя семинар ортчоз

Ужрадэ витё удмурт кылын вераськись пиналъёсты но соослэсь анай-атайёссэс. Озьы ик мумы-бубыосты, кин мылкыд каре ас пиналзэ удмурт кыллы дышетыны.

Кызьы шуэ егит анай Людмила Чернова, асьмеос, удмурт анайёс азьын бадӟым ужпум сылэ – котькыӵе шуг-секытъёс шоры учкытэк асьмеос кулэ ас пиналъёсынымы удмурт кылын вераськыны. Кызьы ӵемысь луэ семьяын картэз яке кышноез ӟуч, озьы пиналзы но ӟуч луэ. Мынам аслам но озьы ик. Но одӥгез пӧртэм – нылпиеным удмурт сямен вераськыны тыршисько.

Анай-атайёс но нылпиос понна радъямын луозы нимаз площадкаос.

Анай-атайёсын ужалозы кыккылолыкъя ӧнерчиос, логопед но нылпи психолог.
«Шудон коркан», котьку сямен ик, пиналъёс, шудэм сяна, удмурт выжыкыл пуктозы, удмурт мультфильм учкозы, удмурт шудонъёсын шудозы но киужлы дышетскозы

Вераны кулэ, таӵе билингвизмъя семинар Ижкарын куинетӥзэ ортчоз.

Дом Дружбы народов
Добавить комментарий