«Билингва» огазея дышетӥсьёсты но анай-атайёсты

Та семинарез калык огазеяськонъёсысь азьветлӥсьёс, лулчеберет но дышетон удысысь ӧнерчиос понна радъяз элькунысь йӧскалык политикая министерство. Семинар улсын ужазы калык кусыпъёсты эскеронъя но удмурт кылэз муниципал кылдытэтъёсын азинтонъя площадкаос.

Кыллы сӥзем площадкалэн ужаз пыриськисьёс удмурт кылэз утенъя лэчыт ужпумъёсты эскеризы, кылэз азинтонъя тужгес ӟеч амалъёсын тодматскизы.

«Билингва» удмурт центрлэн ужамез сярысь ивортӥз проектлэн кивалтӥсез Татьяна Волкова – ӵап та центр тодон – валан сётыны быгатэ анай-атайеслы но, дышетӥсьёслы но.

Тодады вайытом, таяз арын «Билингва» удмурт центрлэн но «Удмурт Кенеш» огазеяськонлэн «Билингва. Карын кыккылолыкез азинтонъя ужан амалъёс» проектсы Президентлэсь грантсэ утӥз. Проект улсын быдэс ар ӵоже, кыккылолыкъя семинаръес радъяськозы, кык кылэз тодӥсь нылпиос понна ужзэ азьланьтоз «Нуныкай» центр.

Вавожын ортчем пумиськонэ лыктэмъёс нимысьтыз пусйизы Кыккылолыкъя «Билингва» удмурт центрлэсь сайтсэ но – анай-тайес но дышетӥсьес понна со аспӧртэм онлайн-справочник луиз ни. Татысь шедьтыны луэ билингвология удысысь валтӥсь тодосчиослэсь ужъёссэс но нылпиослэсь вераськон быгатонлыкъёссэс азинтонъя шудонъёсты, йырвизез сынась ужъёсты, мадиськонъёсты, выжыкылъёсты

Семинарлэн ужаз пыриськисьёс озьы ик тодматскизы Вавож ёросысь Бия школалэн «Школа — муниципал кылдытэтлэн удмурт лулчеберлыкъя шорсюлмыз» нимо проектэныз. Сое радъясьёс трос визь-кенеш басьтӥзы, кызьы ӵектосэз эшшо но пайдалыкогес карыны луоно. «Тужгес секыт анай-атайёсын ужаны, соос удмурт кыллэсь кулэлыксэ мед валалозы шуыса»,- пусйизы дышетӥсьёс.

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий