Бигер шаерын нырысьсэ удмурт кылын венчаниез ортчытӥзы

Кузпалъяськисьёслы анай кылынызы венчать карыны ӵектӥз протоиерей Леонид Прокопьев.
 
«Венчаться кариськисьёс уг тодо на вал, чинэз удмурт кылэ берыктон дась ни шуыса. Куке мон ӵектӥ анай кылынызы венчаться кариськыны, соос шумпотыса соглаш кариськизы. Венчание бере мон юай, ваньмыз-а валамон вал шуыса, соос веразы, валамон гинэ ӧвӧл, вӧськылъёсты анай кылын кылзӥськыны туж кельшиз шуыса», — вераз протоиерей.
 
Солэн кылъёсызъя, Нырья но Лельвиж черкогуртъёсысь храмъёсын удмурт кылын принтерен гинэ печатлам «Часословъя» вӧсяськонъёс ортчытъяло, но сое бадӟымгес тиражен поттыны дасясько. Озьы ик улонысь кошкемъёс понна лыдӟон «Псалтирь» вань. Нырьяысь приход кичӧлтэмъя, удмурт кылын со 3 сюрс экземплярен 2009-тӥ арын поттэмын вал.

Дом Дружбы народов
Добавить комментарий