Бигер кылын диктант нырысьсэ гожтозы Воткаын улӥсьёс 13-тӥ оштолэзе

Радъясьёслэн верамзыя, Воткаын таӵе ужрад нырысьсэ ортчоз. Бигер кылэз тодэмез эскеронлы кичӧлтон карысь 7 номеро лыдӟетъюрт но бигеръёслэн лулчеберетъя йӧскалык автономизы сётӥзы.

Пыриськисьёслы тодмо бигер гожъясьлэн Мухаммет Магдиевлэн произведениысьтыз люкетсэ лыдӟозы. Йылпумъянъёсты лыдӟетъюртлэн «ВКонтакте» мерлыко вотэсысь огиназ но «Янарыш» газетын шараялозы. Вормисьёсты Сабантуй шулдыръяськонын пусъёзы.

Анай кылъя тодонлыкез эскерон ужрадэ 14 ареслэсь бадӟымъёс пыриськыны быгато. Бигер кылын диктантэз 7 номеро лыдӟетъюртын (Луначарский нимо ульча, 24) 11 часын гожтыны луоз.

Пусъём, «Тотальный диктант» быдэс Удмуртиын 15 часын кутскоз, Ижкарын 61 интыын сое гожтыны луоз.

Тодэ вайытом, удмурт кылын шонер гожъяськыны быгатонэз эскерон туэ тямысэтӥзэ радъяськиз ни. «Бадӟым удмурт диктант» 30-тӥ южтолэзе ортчиз.

https://udmurt.media/udm/news/obshchestvo/54407/

Контентмейкер, мемолог и журналист

Дом Дружбы народов
Добавить комментарий