Бигерысь удмуртъёслэн улосвыл огазеяськонзы Татарстанлэн азьмуртэзлэсь премизэ басьтӥз

“Та премия витетӥ арзэ кадь сётъяське, отын зэмзэ но кужмо адямиос, дано адямиос яке организациос басьто сыӵе премия”, – вераз Марина Иванова, Татарстанысь удмуртъёслэн лулчеберетъя йӧскалык автономизылэн быдэсъясь кивалтӥсез.

Солэн верамезъя, 400 сюрс манетъем премиез удмуртъёслэн вань огазеяськонъёссы куспын люкыны малпало. Та дыре соос Татарстанысь 10 ёросъёсын ужало, со сяна, егитъёслэн огазеяськонзы вань но ачиз ваньзэсты огазеясь автономия. Коньдон костюмъёс вурыны, ужрадъёс ортчытыны мыноз.

“Премиез сётэм бере ми пусйим, со милям огъя тыршеммы, огъя данъетмы шуыса. Бен, Андрей Сергеевичлэн (Герасимов, автономилэн кивалтӥсез – ред.) отын туж бадӟым ужез, но вань адямиос, кудъёсыз ини 25 ар огазеяськонэн кивалто. Кылсярысь, Балтач ёросысь кенеш, милям отын Леонид Дмитриевичмы вань. Нош ик вань Менделлевск ёросын, отын 1998-тӥ арысен огазеяськон ужа. Соин шонер луоз, дыр, со премиез люким ке”, – шуиз Марина Иванова.

Ватсалом, «Татарстан Элькунысь удмуртъёслэн лулчеберетъя йӧскалык автономизы» улосвыл мер огазеяськонлы туэ 15 ар тырмиз, со бордын ужась егитъёслэн ёззылы – 10 ар. Кылем арын автономи 38 ужрадъёс ортчытӥз. Таяз арын 10-15 аресъем удмурт но удмурт калыкен, лулчеберетэн тунсыкъяськись пиналъёслы «Буд удмурт» выль ӵектосэз улонэ пыӵатӥзы. Егитъёслы «БиГерд» форум радъян сяме пыриз ни шуыны луоз, таяз арын куинетӥез вал ни. Озьы ик покчи пиналъёс понна «Мудорвай» вожвылъяськон арлы быдэ ортчыто. Марина Ивановалэн верамезъя, туэ сое радъяны элькунысь дышетонъя министерстволэсь грантсэ утӥзы.

https://udmurt.media/udm/news/obshchestvo/67697/

Контентмейкер, мемолог и журналист

Дом Дружбы народов
Добавить комментарий