Бигеръёс паймытӥзы удмуртъёсты

Культурая юртэ ёросын улӥсьёс бигеръёслэн улэм-вылэменызы, сям-йылолъёсынызы тодматскыны лыктӥзы. Люкаськемъёсты мыло-кыдо пумитазы Балезино ёросысь Кестым бигер гуртысь артистъёс но Дэбесысь «Шудбур» ансамль.

Тросэзлы паймымон потӥз, бигеръёслэн но удмуртъёслэн куд-ог йылоъёссы ог-огзылы маин ке но тупало шуыса, кылсярысь, «Кен пылатон», «Салдатэ келян» обрядъёс.

Мукет калыклэн культураеныз тодматскон ужрадъёслэн кулэлыксы но пайдалыксы сярысь веразы Дэбес ёрос кивалтэтлэн тороез » А.С. Иванов но солэн мер ужпумъёсъя воштӥсез Л.Ю. Иванов. Ог-огмы сярысь тодыны – со туала улонын тужгес но кулэез луэ – пусйизы кивалтӥсьёс.

Ужрад чӵоже культурая Юртын адӟытон ужаз. Отчы поттэмын вал бигер калыклэн улоназ кутӥськиз арбериос: дӥськут, тусьты-пуньы, чеберъяськон арбериос но мукет. 

Дом Дружбы народов
Добавить комментарий