Башкириысь удмурт нылаш «Мисс International – Ufa» вожвылъяськонын ас калыкеныз тодматоз

Вожвылъяськонэ Башкортостанын улӥсь 20 йӧслыкъёслэсь 60-лэсь трос куриськонъёс вуизы. Дунъясьёс азьын котькудӥз нылмурт аслаз калыкез сярысь вераз но творчествоя номер возьматӥз.

Нылъёсты пӧртэм удысын ужась пӧртэм выжыысь муртъёс дунъязы: башкиръёс, бигеръёс, ӟучьёс, Иранысь но Мадагаскарысь лыктэмъёс. Соос асьсэ калыксылэсь лулчеберетсэ, аспӧртэмлыксэ, анай кылзэс но калыксэс яратэмзэс тужгес тунсыко но йӧно возьматыны быгатӥсьёсты бырйыны кулэ вал.

Быръёнлы йылпумъянъёсъя вожвылъяськонлэн гала-концертаз 18-27 аресъем 12 нылъёс пыриськозы, соос пӧлын Казахстанысь, Таджикистанысь, Нигериысь, Египетысь, Индиысь нылъёс.

Вожвылъяськонлэн йылпумъян люкетэз 27-тӥ шуркынмонэ ортчоз. Жюри вормисьёсты быръёз но «Мисс International – Ufa», «I Вице-мисс», «II Вице-мисс» нимъёс сётоз.

Вожвылъяськонлэн ужпумъёсыз – Россиын улӥсь калыкъёслэсь йылолъёссэс, кылзэс утён но азинтон, пӧртэм калыкъёслэсь кусыпъёссэс юнматон, элькунын улӥсьёсты пӧртэм калыкъёслэн дунлыкъёсынызы тодматон.

https://udmurt.media/udm/news/kultura-i-turizm/45006/

 

Контентмейкер, мемолог и журналист

Дом Дружбы народов
Добавить комментарий