Башкириын ортчозы удмурт культуралы сӥзем нуналъёс.

Башкириын ортчоно ужрадэ пыриськозы Элькунысьтымы Йӧскалык политикая, Лулчеберетъя но Дышетонъя министерствоос. Со сяна Калыкъёслэн Эшъяськон юртсы но вань огазеяськонъёслэн кивалтӥсьёссы. Бускельёсмы доры лыктозы на мукет улосвылъёсысь но удмуртлыкез азинтонын тыршисьёс. Ваньзы соос тодматскозы Башкоротостанын удмурт центрлэн пуктэм уженыз.

«Ужрад 2 нунал ӵоже мыноз, – азьланьтэ Флюра Чибышева. – Удмурт диаспораослэн ёзчиосынызы пумиськон луоз, озьы ик луоз пумиськон ёрос кивалтӥсьёсын, кытын уло удмуртъёс. Со сяна удмурт школаосы ветлом. Дышетӥсьёсын но дышетскисьёсын пумиськом, вераськом».

Удмурт лулчеберетлы сӥзем нуналъёс Башкириын ортчозы коньывуон толэзь пумын.

Дом Дружбы народов
Добавить комментарий