Бадӟым этнографи диктантлэн кырӟанэз улсын эктон кылдытӥзы Удмуртиын

Флешмобез пуктӥз эктонъя «Unity» но «You can» студиослэн кивалтӥсьсы но хореографсы Ольга Крук.

Элькунмы эктонъя эстафетаез Приволжск федерал округе пырись улосвылъёслы сётэ.

“Флешмобе пыриськон понна эктонэз дышетыны но флешмобез видео вылэ гожтыны кулэ. Сое котькуд мер интыын яке хореографи залын быдэстыны яра. Флешмобез мерлыко вотэсъёсы интыяны кулэ. Эстафетаез мукет улосвыллы сётыны кулэ” – верало ужрадэз радъясьёс.

Тодэ вайытом, «Бадӟым этнографи диктант» акцилэн кырӟанэз 2017-тӥ арын кылдӥз. Кылъёссэ удмурт кылбурчи Богдан Анфиногенов, крезьгурзэ «Эктоника» ӵектослэн продюсерез Владислав Горжак гожтӥзы. Кырӟанэз Богдан Анфиногенов но Алина Антонова быдэстӥзы.

Ватсалом, 2015-тӥ Бадӟым этнографи диктантэз Россиын ортчытъяны кутскизы Удмуртиысь Йӧскалык политикая министерстволэн кичӧлтэмезъя. Огъяросси акци туэ нош ик калыккуспо инлыкен мыноз. 2-тӥ шуркынмонэ ортчоно ужрадэ Россиысь улосвылъёс сяна, СНГ-е пырись Киргизия, Таджикистан, Молдова но мукет кунъёс пыриськозы.

https://udmurt.media/udm/news/obrazovanie-i-nauka/43918/

Контентмейкер, мемолог и журналист

Дом Дружбы народов
Добавить комментарий