«Бадӟым этнографи диктантлы» дасяськон мынэ

Чакланъёсъя, быдэс кунын диктантэз 50 сюрс пала адямиос гожтозы. Удмуртиын валтӥсь площадкаез луоз Калыкъёслэн Эшъяськон юртазы.

– Туннэ бадӟым саклыкез кулэ каро выжы калыкъёслэн ужпумъёссы, соосын герӟаськем шуг-секытъёс. Соосты шараян – этнодиктантлэн валтӥсь мугез, – шуиз Удмурт Элькунысь йӧскалык политикая министерствоысь валтӥсь ӧнерчи Елизавета Ложкина. – Трос саклык кулэ висъяны калыкъёслэн ужпумъёссылы, соосын герӟаськем шуг-секытъёслы. Этнографи ласянь учконо ке, «Бадӟым этнодиктант» юрттоз Россиын улӥсьёслы выжы калыкъёс сярысь огъя тодон-валанзэ дунъяны, юрттоз со тодон-валанзэ будэтыны. Мукетыз ужпум – диктант валтыны кулэ калыкез этнографи тодослы тунсыкъяськонзэ ӝутыны, саклыксэ висъяны.

Россиысь вань улосвылъёсын «Бадӟым этнографи диктант» ортчоз 4-тӥ коньывуонэ 11 часын. Котькуд улосвылын 7 пала площадкаос ужалозы. Котькуд мылкыд карись тест амалэн 30 юанъёслы валэктон сётоно луоз. Аслэсьтыз тодэм-валамзэ эскерыны быгатоз кӧня ке нунал ортчыса «Мир-Этно» интернет-сайтын. 

Дом Дружбы народов
Добавить комментарий