Артемий Лем – вормись

28-тӥ куарусёнэ Москваын 10-тӥез «Золотой голос России» фестиваль ортчиз. Отчы пыриськизы быдэс Россиысь 6 аресысен 37 аресозь 100 пала кырӟасьёс. Соос пӧлын асьме улосчимы Артемий Лем (Гаврилов). Со быдэстӥз Александр Серовлэсь «Как быть» кырӟанзэ. Дунъясьёс пӧлын тодмо артистъёс вал: Любовь Казарновская, Марина Девятова, Сати Казанова, «ЧиЛи» группа.

«Мон туж шумпотӥсько вормонэлы, – шуэ Артемий. Но мыным укыр дуно бадӟым кизилос азьын кырӟаме, соос монэ дунъязы шуыса. «ЧиЛи» группалэн валтӥсь куараез Ирина Забияка мыным 10 балл пуктиз. Табере мон тодӥсько – кырӟаны быгатӥсько!» 

Артемий Лем вордӥськемын Дэбес ёросысь Удмурт Льӧм гуртын. Ӵуказе со вордӥськем гуртысьтыз фольклор коллективен ӵош Москваын "Битва хоров" конкурслэн вормисьёсызлэн концертазы пыриськоз. 

Дом Дружбы народов
Добавить комментарий