Арганчиослы шулдыръяськон ортчоз Кияса ёросын 14-тӥ куарусёнэ

“Туэ 14-тӥ арзэ ортчытӥське ини со милям интывыламы. Нырысетӥ кутскон аръёсы асьме гурт котырысь гинэ пыриськисьёс вал, собере вить ар ортчыса ёрос карим ини ми сое. Ёросысь ансамбльёс, арганчиос пыриськылӥзы. Кылем арын, вадля арын Ижкарысь, Можгаысь, Сарапулысь пыриськылӥзы ини оген шудӥсь арганчиос”, – вера  «Лутохинское» муниципал кылдытэтлэн тӧроез Вероника Атеева.

Нош туэ, гурт тӧролэн кылъёсызъя, бускель улосвылысь но куноосты возьмало ини. Угось ӧтён гожтэтъёс Башкирие но келязы.

Кылем арысен арганчиослы шулдыръяськон вӧзы пӧраськемъёсъя «Пальчики оближешь» вожвылъяськон ватсазы на. Со улсын ёросысь котькуд муниципал кылдытэт ӝӧксэ дася. Вероника Атеевалэн кылъёсызъя, оглом тямыс ӝӧк люкаське.

“Азьло «Играй, гармонь!» гинэ вал ке, арганэн, баянэн шудылӥзы, ансамбльёс кырӟало, нош кылем арын бордаз ватсамы на ас пӧрамъёсын адӟытон-ярмарка: чечыен но, йӧлын но, варенняен но, губиен но. Кин мар быгатэ”,-  азьланьтэ  «Лутохинское» муниципал кылдытэтлэн тӧроез Вероника Атеева.

Шулдыръяськон улсын кибашлыослэн юртысьтызы ӧнерчиос мастер-классъёс радъялозы, нылпиослы шудон площадкаос ужалозы.

Кутсконэз 11 часын.

https://udmurt.media/udm/news/kultura-i-turizm/65023/

Контентмейкер, мемолог и журналист

Дом Дружбы народов
Добавить комментарий