«Аныкай» медиашкола ужаны кутске

«Аныкай» медиашколаын мумы-бубыосты фото пуктыны, видеокамераен ужаны, видеомонтаж лэсьтыны но SММ амалэз уже кутыны дышетозы.

«Проект огазеялоз удмурт кылэз тодӥсь, азинскыны тыршись анай-атайёсты. Соос таӵе ужъёсынызы возьматыны быгатозы: туала амалъёс юртто пиналэз кык кылын вераськыса будэтыны», — пусйиз проектлэн авторез Ольга Степанова.

«Дышетозы ӧнерчиос – фотографъёс, видеографъёс, SMM-специалистъёс. Нырысь ортчозы лекциос, собере луоз практика, кытын нылпиосын ӵош лэсьтэмын луозы видеоос пӧртэм темаосъя: семьялэн реликвиезлэн историез, пӧраськомы ӵошен, Удмуртиысь тунсыко интыос, лыдӟиськом книга, яратоно шудон, кыӵе ке кизилиослэсь интервью. Оглом, мар анай-атайёслы тунсыко потӥз, со бордын ик ужалом», – вера «Аныкай» удмурт медиашколаын дышетонэз огез радъясь Наталья Шулакова.

Удмурт медиашколае ӧтё удмурт анай-атаёсты. Лекциос онлайн-режимын мынозы.  Кин ӧз вутты учкыны, соос понна заочно амал чакламын. Курсъёсы пыриськон понна 20-тӥ августозь гожтӥськоно «ВКонтакте» соцвотэсын    https://vk.com/anykai_media группаын.

Дышетон йылпумъяськем бере интернет-марафон ортчоз. Со улсын удмурт анай-атайёс ӵектэм темаосъя выль туспуктэмъёс, аудио- но видеоматериалъёс лэсьтозы. Ужъёсты жюри но учкисьёс дунъялозы. Вормисьёсты нимысьтыз ужрадын пусъёзы.

 

Контентмейкер, мемолог и журналист

Дом Дружбы народов
Добавить комментарий