Анатолий Мамонтовлы 80 арес

Тодмо коллективлэн чеберлыко кивалтӥсез луыса Анатолий Мамонтов 53 ар ӵоже ужаз. Солэн тыршеменыз, удмурт ансамбль быдэс Совето Союзын но, солэн палэназ но тодмо луиз.

Дано кивалтӥсьлэн юбилеезлы сӥзем ӝыт ортчоз солэн вордӥськем палъёсаз – Дэри черкогуртын. Концертын Анатолий Мамонтовлэсь азьвыл нокытын чузъяськымтэ аранжировкаоссэ кылыны луоз. Озьы ик кузпалыныз Леонора Мамонтоваен пуктэм эктонъёсты адӟыны.

Чакламъя, юбилей концертын выль проектлы кутскон сётэмын луоз. Вуоно арысен Дэри ёросын удмурт кырӟанъя конкурс радъяны чакламын. Отын вормисьёс Анатолий Мамонтов нимо преми басьтозы.

 

 

Контентмейкер, мемолог и журналист

Дом Дружбы народов
Добавить комментарий