Алнаш ёросын азьланьтӥське удмурт культуралы сӥзем толэзь

Ар ӵоже воспитательёс группаосазы пӧртэм ужрадъёс радъяло. Тужгес но тросэн соос ортчытъясько удмурт лулчеберетлы сӥзем толэзе. Тани туэ но соос, удмурт элькунмылэн вордӥськем нуналэзлы сӥзьыса, куд-ог группаосын тунсыко ужрадъёс дасязы.

Кылсярысь, «Бабочки» группаын, кудаз лулысь-сюлмысь тырше егит воспитатель Елена Адакова, шаерен тодматсконзэс кутскизы удмурт дӥськутъёс бордысен.

– Пиналъёсмылы туж мыло-кыдо вал удмурт дэремъёс дӥсяны, – шуэ Елена Алексеевна. – Нылъёсмы кильтро мунёос кадь луизы: чыртыосазы уксё тӥрлыкъёс ошизы, йыразы йыркерттэтъёс думизы. Нош куке баянистмы Раиса Софронова крезь шудыны кутскиз, пиналъёслэн пыдъёссы асьсэос эктыны куриськизы кадь. Со сяна, элькунмылэн историеныз но вакчияк тодматӥмы. Нош шудэммы, кырӟаммы но эктэммы бере кунояськимы шаньгиен, перепечен но пыштурынэн парем чаен, кудзэ пыжизы-пӧразы милемлы сиён пӧрасьёсмы. Группаысьтымы нылпиос туж яратыса пырисько таӵе ужрадъёслы. Будӥсь нылъёслы но пиослы вань вылез тунсыко. Пичиысен ик ас калыксылэн йылолъёсыныз тодматскемзы, мон малпамъя, одно ик анай кылзэс гажан пыӵатоз.

https://vk.com/alnashskiy_kolkhoznik

Контентмейкер, мемолог и журналист

Дом Дружбы народов
Добавить комментарий