Ӝоген «Моко но Боко» мультфильм потоз

Мульфильм — грантъя чаклам ужлэн одӥг люкетэз гинэ. Нырысетӥез – «Шудыса дышетскиськом» нимо ӝӧк выл шудон – быдэстэмын ини. Эшшо одӥг люкетэз – телефонъёслы чаклам удмурт шудон приложение – ӝоген озьы ик йылаз-пумаз вуттэмын луоз.

Тодады вайытом, грантлэн быдӟалаез 3 миллион манет вал. Шуркынмон толэзьлэн пумаз «Шунды» та уксёен быдэстэм ужъёсызлы презентация радъялоз.

«Грантъёс малпанъёсты улонэ пыӵатыны бадӟым юрттэт луо, — шуэ «Шундылэн» тӧроез Алина Чернова. — Соосты утыны луонлыкез вань котькуд огазеяськонлэн но, нимаз адямилэн но».

http://www.myudm.ru/