«Удмурт Кенеш» огазеяськемлэн Данъян Книгаяз пыртэм адямиосын тодматонмес азьланьтӥськом.
Ашальчи Оки(Акилина Григорьевна Векшина) — кылбурчи но син эмъясь врач вордӥськиз туала Грах ёросысь Ускы (Кузебаево) гуртын. Нырысь дышетскиз Грах черкогуртын, собере — Пор республикаысь Карлыганын. Сое быдтыса, Алабгоын нимысьтыз экзамен сётӥз но дышетӥсь луиз. Дышетӥз Татарстанысь Субаш но Вуж Кушкет гуртъёсын, Удмуртиысь Бадӟым Уча ёросысь Быдӟымшур-Пельгалан но Грах ёросысь Мамаево гуртын. Кылбуръёс гожьяны кутскиз, Куӟебай Герд удмурт поэтэн тодматскиз. 1919-тӥ арын Казаньысь университетлэн рабфаказ пыриз, собере эм факультетаз дышетсконзэ азьланьтӥз. 1928-1932-тӥ аръёсы ужаз Юкаменскын, син эмъясь врач луыса. Ньыль ар ӵоже фронт вӧзын госпитальын сӧсыр боецъёсыз утялтӥз. Дораз война бырем бере гинэ бертӥз. Алнаш больницаын ужаз.
