Удмурт дышетскисьёслы проектной офис кылдытӥзы Ижкарысь Кузебай Герд нимо йӧскалык гимназиын

Чакланъёсъя, дышетсконни быдэс элькунысь нылпиосты огъясь, проектъёссэс йылаз-пумаз вуттыны юрттӥсь интылы пӧрмыны кулэ.

«Милям потэ вал татчы огазеяны мерлыко огазеяськонъёсты но, кун органъёсты но, ужбергатӥсьёсты но, — шуэ Кузебай Герд нимо гимназиысь ӵектосъёсъя офисэз кылдытӥсь Юлия Шахтина. — Пиналъёс валаны кулэ, соос  огназы ӧвӧл шуыса. Школа пушкын гинэ улон ӧвӧл, вань мукет интыос, быдэс удмурт дунне-а мар а шуод».

Нырысетӥ пумиськонзы «Шудкар» нимо шудон улсын ортчиз. Пиналъёслэн наставникъёссы луизы пӧртэм проектъёс бордын ужам муртъёс. Нош экспертъёс —  быдэс элькунын тодмо адямиос.

14 ёросъёсысь вуэм пиналъёс 6 командаослы люкиськыса ужазы. Нош быдэс нунал ужамзы тунсыко проект малпанъёсын йылпумъяськиз. Ваньмыз 6 командаос ӵектонъёссэс веразы. Одӥгъесыз сям-йылолъёсын дырпус кылдытон мылкыдзэс шараязы. Мукетъёсыз — егитъёслэсь туала театрзэс усьтыны ӵектӥзы. Куинетӥосыз — вотэсын блогер ужъёсты йылтон сярысь пусйизы. Табере та малпанъёс нырысетӥ проектъёс дорозь будыны кулэ. Бӧрысь — улонэ пыӵаны.