«Герберлэн» пуштросэз сярысь ӵектонъёсты люкало

Отын ГерберМы бам кылдытэмын. Юанъёс трос пуктэмын — кыӵеен адӟиськоды удмурт шулдыръяськонэз? Кин юрттыны быгатоз сое радъян ужын?

«Гербер» шулдыръяськонлэсь пуштроссэ воштон, солы туала шӧм пыртон сярысь вераськон ӝутэмын вал йӧскалык политикая министрен. Лариса Буранова та мылкыдъёсты журналистъёсын пумиськонын шараяз.

Верамын вал йӧскалык праздник тросгес калыкез кыскыны, туристъёс понна тунсыко луыны кулэ шуыса. Соин валче мукет мерлыко вотэсын но вераськон пуромиз.  Отысь валамон луиз – «Герберлэн» кыӵе луонэз троссэ сюлмаськытэ. Соин ик тебере луонлык кылдытэмын малпан-ӵектонъёсты шараяны, соосты гожтыса кельтыны.

http://www.myudm.ru/