«Пельняньлэн дунневыл нуналэз» фестивалез кутскиз Удмуртиын

Удмуртиын Пельнянь фестиваль туэ 5-тӥзэ ортче. «Ческыт» ужрадлэн пуштросэз — вашкалазэ туала улонэн герӟан. Соин фестивалез радъясьёс возьмало пельнянь рецептъёсты, туспуктэмъёсты. Юмшаны ӵекто кар азбаръёсын но. Та ӵектос туэ ужрадлэн одӥгез аспӧртэмлыкез луэ.

Фестивалез одӥгез радъясьлэн Екатерина Калентьевалэн верамезъя, котькуд азбаре вуылоз ворлонтёръёслэн шулдыр командазы – соос эктозы, удмурт шудонъёс ортчытъялозы. Озьы ик ужалозы туспуктон интыос. Азбаръёсын улисьёслэсь но возьмало тунсыко ӵектонъёссэс.

Пельнянь фестивале пыриськыны быгатэ котькудӥз мылкыд карись — бырйыны аслыз тупамон тунсыко ужрадэз. Нош соос туж трос. Кылсярысь, Лудорвай музей-заповедникын 9-тӥ тулыспалэ «Пельнянь веме» квест ортчоз. Отчы пыриськисьёслы котькуд станциысь пельнянь кутыны арбериос утчано-шедьтоно луоз, тунсыко заданиосты сэрттыса-пертчыса. Собере куно пумитан юртъёрын ваньмыз ӵош пельнянь кутозы, та сиён сярысь историос вералозы.

9-тиӥ тулыспалозь удмурт йӧскалык шудонъёс, мастер-классъёс, вожвылъяськонъёс но трос мукет ужрадъёс чакламын. Кылем арын фестивале 35 сюрс пала адями пыриськиз.

Йылпумъяськоз фестиваль бадӟым праздникен арня ортчыса Ижкарлэн Шор площадяз.

http://www.myudm.ru/