Прессалэн балэз ортчиз

Кӧня ке ар ӵоже ини «Прессалэн балэз» нимаськись ужрад ын  Эрик Батуев нимо премиен нимаз пусъё удмурт журналистъёсты. Вераны кулэ, та премиез кылдытись луэ «Удмурт кенеш» огазеяськон.

Туэ йӧскалык данъетэз куинь адями басьтӥз: Удмуртия ГТРК-ысь тодмо журналист Валерий Сидоров, Удмуртия информационной агентствоысь журналист Майя Бывальцева но Шаркан ёрослэн “Вестник” газетысьтыз редакторлэн воштӥсез Надежда Максимова.

«Асьме удмурт журналистикамылэн ӟечлыко ужамез сярысь верало трос ужрадъёс, кытын асьме журналистъёсмес, асьме изданиосмес, асьме компаниосмес пусйыло. Со пумысен мынам туж бадӟым осконэ — кӧня улэ удмурт калык, сомында ик улозы асьме удмурт журналистъёсмы но, удмурт изданиосмы но», — шуиз «Удмурт кенеш» огазеяськонлэн тӧроез Татьяна Ишматова.