Выжы калыкъёс Вуж выль арез пусйизы

Дас арлэсь кема ини вуж выль арез келяны  Удмуртиын улӥсь пӧртэм калыкъёс огазе люкасько, шулдыръясько.

Немец калыклэн эктонъёсыз, азербайджанъёслэн кырӟанъёссы, поръёслэн калык шудонъёссы  люкаськемъёсты матэгес каризы но синмаськытӥзы асьсэлэн лулчеберетсылы.

«Одӥг семья кадь мед ужаломы, удмурт шаерамы ваньмы ӵош эшъяськыса мед уломы, мукет мерлыко огазеяськонъёсын ӵош мед уломы шуыса Эшъяськон юртмы таӵе праздник радъя», — шуэ Эшъяськон юртысь ӧнерчи Алина Чернова.

Вуж выль арез келян понна котькудӥз огазеяськон  ас калыкезлэсь тужгес но ческыт пӧраськемъёссэ ваиз. Кылсярысь, армянъёс хапама сиёнэнызы куноязы.  Со куасьтэм емышез рисэн сураса лэсьтэмын — армян калыклэн шулдыръяськон вакытэ ӝӧк вылысь яратоно сиёнзы.

Вань калыкез бадӟым эгесэ огазеяз выль арлэн тужгес но сӥлы адямиез — Тол Бабай.

http://www.myudm.ru/