Фольклоръя «Вань буро» бесерман праздник ортчоз

Ужрад бесерманъёслэсь лулчеберетсэс утёнлы но азинтонлы сӥземын.

Шулдыръяськонын шудон площадкаос ужалозы. Отын сяме пыӵам бесерман калык шудонъёсты возьматозы. Озьы ик радъямын луоз киын быдэстэм арбериосын адӟытон-вузкарон. Вань мылкыд карисьёс соосты быдэстонъя мастер-классэ пыриськыны быгатозы.

Программае пыртэмын театръя «Верос-батл» вожвылъяськон. Отын фольклоръя бесерман коллективъёс выжыкылъёсъя но мадёсъёсъя возьматонъёссэс адӟытозы.