«Пельняньлэн калыккуспо нуналыз» 1-тӥ тулыспалэ кутскоз

Азьвыл аръёсын ӵошатыса, туэ фестиваль эшшо но паськыт ортчыны кулэ — ужрадлэн площадкаез луыса фестивале пыриськыны луонлыксы вань шоркарысь азбаръёслэн но.

«Фестиваль улсын «Юмшан» проект ужалоз, — шуэ йӧскалык политикая министерствоысь валтӥсь ӧнерчи Алёна Калинина. – Соя Ижкарысь азбаръёсын но мукет площадкаосын пельнянен герӟаськем вожвылъяськонъёс ортчылозы. Та нуналъёсы куриськонъёсты кутыны кутском ини».

Арлы быдэ фестивалез пӧртэм пуштросо карыны тыршо. Туэ «Пельняньлэн калыккуспо нуналыз» «Выль сямен» кылъёс улсын ортчоз. Валтӥсез — арлыдоослэсь дырзэс туала вакытэн герӟаны но егитъёсты тунсыкъяськытыны.

Со шомын ик ортчозы мастер-классъёс. Урамъёсын калык вашкала удмурт шудонъёсы пыриськыны быгатоз. «Зарни пельнянь» премиен пусъён чакламын.

http://www.myudm.ru/