Ижкарын азербайджан воскресной школалэн ӝытэз ортчиз

Ижкарысь Байрам Гумбатов нимо  азербайджан арня нуналэ ужась школа азербайджанъёслэн Удмуртиысь «Достлуг» огазеяськонэнызы 2016-тӥ арын кылдытэмын. Школалэн занятиосаз калыксылэсь кылзэ, литературазэ, историзэ дышето.

Озьы ик кӧснуналъёсы вань мылкыд карисьёсты азербайджан калык эктонъёслы — «мирзаи», «тураджи», «яллы», «халай» — дышето.

«Достлуг» огазеяськонлэн кивалтӥсез Зульфигар Мирзаев,  воскресной школаез радъясь Шахла Махмудова но аксакалъёслэн азьветлӥсьсы Али Гумбатов люкаськемъёсты Выль арен но быдэс дуннеысь азербайджанъёслэн огкылысь луэмзылэн нуналэнызы ӟечкылазы.

Арня нуналэ ужась школае ветлӥсь пиналъёс спектакль возьматӥзы, кылбуръёс веразы, йӧскалык эктонъёсты быдэстӥзы.

Ватсан: быдэс дуннеысь азербайджанъёслэн огкылысь луэмзылэн нуналзы 1989-тӥ арысен 31-тӥ толсурысен пусйиське. Со азербайджанъёслэн Стамбулын ортчем дунневыл Конгрессылэн нуналызъя юнматэмын.