- Зоя Князева, пор – «Хранительница традиций»;
- Любовь Коробейникова, ӟуч – «Совершенство»;
- Надежда Ураснива, бесерман – «Оригинальность»;
- Светлана Кайсина, бигер – «Талант»;
- Елена Компаниец, казачка – «Элегантность»;
- Инна Чучалина, еврейка – «Индивидуальность»;
- Татьяна Бауэр, росси немка – «Очарование»;
- Мария Моисеева, мордовка – «Грация»;
- Люция Шкляева, удмурт – «Творчество».
«Ижкарысь песянай-2018» вожвылъяськонэ пыриськисьёсты пусйизы Удмуртилэн шоркараз
Удмуртилэн шоркараз улӥсь поръёслэн «Ижевск Мари» огазеяськонзы та вожвылъяськонэз калыкъёслэн йылолъёсынызы тунсыкъяськонэз будэтон, пӧртэм калыкъёслэсь кусыпъёссэс юнматон, нылкышнолэсь чеберлыксэ возьматон, туала дэменлыкын песянайлэсь интызэ ӝутон вылысь радъя.
Вожвылъяськонэ укмыс песянайёс пыриськизы. Котькудӥз аслаз номинацияз вормись луиз:
Со сяна, куинез песянайёс интернет пыр куара сётонын тужгес трос куара люказы. Соос «Учкисьёслэн кузьымзы» номинациын вормисе потӥзы. Ваньмызлэсь ятыр «лайкъёс» люказы казачка Елена Компаниец, пор Зоя Князева но бесерман Надежда Урасинова.
Кызьы пусйиз Николай Ямаков, та вожвылъяськон пӧртэм йӧслыкъёслэсь кусыпъёссэс юнматыны юрттэ.
«Мон туж шуныт кылъёс верасал бесерманъёслы. Соос лыктӥзы но эшъяськон круг лэсьтӥзы, ваньзэсты ӧтьыса, эшъяськон эктон ортчытӥзы»,
– вера «Ижевск Мари» огазеяськонлэн тӧроез, конкурсэз радъясь Николай Ямаков.
Тодэ вайытом, «Ижевск Мари» огазеяськон кылем арын толсуре чеберлыкъя «ИжКРАСА-2017» вожвылъяськон ортчытӥз. Отчы пыриськись 12 нылъёс Удмуртиын улӥсь 11 йӧслыкъёслэсь лулчеберетсэс но аспӧртэмлыксэс возьматӥзы. Азьланяз радъясьёс воргоронъёс понна но та выллем конкурс ортчытыны чаклало.