«Мисс Интернационал-Уфа» конкурсэ удмурт нылаш пыриське

Пӧлазы – пор, казах, таджик, араб, мордва, Нигериысь, Египетысь нылъёс. Соос та дыре уло яке дышетско башкир шаерын. Вожвылъяськонын соос тодматыны кулэ асьсэ калыкенызы, сям-йылолъёсынызы.

Чеберай луон понна вожвылъяське Башкириысь Татышлы ёросысь удмурт нылаш Анастасия Самигулова.

Та дыре ялэмын куара сётон «Мисс интернет» номинацияя вормисез шараян понна. Мылкыд карисьёс дурбасьтэмзэс вераны быгато мер вотэсысь ӵошатсконлэн группаяз пырыса — Куара сётон кыстӥськоз 24-тӥ коньвуонозь.

Анастасия Самигулова финалэ потӥз ке, бадӟым сцена вылысен удмурт калыклэсь культуразэ, сям-йылолъёссэ возьматоз.

Конкурслэн финалэз Уфаысь Конгресс холлын ортчоз 27-тӥ шуркынмонэ.