Кузебай Герд нимо гимназиын кылъёслы сӥзем элькун фестиваль ортчоз

Гимназилэн кивалтӥсез Татьяна Волкова верамъя, фестиваль пилотной луэ, отчы ог дасо школаосысь нылпиос пыриськозы. Соослы кельшиз ке, ужрад азинтэмын луоз.

Озьы ик фестиваль улсын нылпиос понна чакламын пӧртэм кылын мастер-классъёс – кырӟан быдэстон, шудон лэсьтон, эктонэз дышетон но мукет. Озьы кыӵе ке уж пыр, нылпиос пӧртэм кылъёсын матэгес тодматскозы.

Нош фестиваль ортчытонлэн валтӥсь малпанэз — удмурт культураез удмуртъёслы гинэ возьматоно ӧвӧл, мед солэн аспӧртэмлыкеныз мукет выжы калыкъёс но тодматскозы.

Фестивале лыктэмъёслы ваньмызлы нимысьтыз кузьым дасямын — выжы калыкъёсын герӟаськем буяськон книга.

Фестиваль дыръя тау каронъёсын но кузьымъёсын данъямын луозы «Ӵужанай доры сюрес», «Билингва-ТВ. Мынам школае», «Шудон азбар» конкурсъёсы пыриськемъёсты но вормисьёсты. Вань та конкурсъёсы пыриськемъёсты возьмало К. Герд нимо гимназиын.

Фестиваль усьтӥськоз 30-тӥ шуркынмонэ 11 часэ 30 минутэ. Отчы регистрация кутскоз ни 10 часэ 30 минутэ.

https://vk.com/udmurtnylkyshno