Анайлэн нуналэзлы но Удмурт кыллэн дунневыл нуналэзлы сӥзем интернет-акци ялӥзы Удмуртиын
Интернет-акцие котькуд мылкыд карись пыриськыны быгатэ. Лыдӟетъюртын, клубын, школаын, нылпи садын яке семьяен люкаськыса, вакчияк верано Удмурт кыллэн нуналэз сярысь: ку но малы со пусйиське.
Озьы ик люкаськемъёс Айво Ивилэн кылъёсызъя «Анае гурзэ эстэм, дыр, но» калык кырӟанэз дэмен быдэстэмзэс но Удмурт кыллэн дунневыл нуналэныз ӟечкыланзэс видеое гожтыны кулэ.
«Удмурт кылэз ми шуиськомы анай кыл, соин ик кыӵе чебер луысал герӟаны со анай гурэз но анай кылэз. Кинлэн мылкыдыз вань, ваньзы мед пыриськозы. Удмуртъёс пыриськизы ке быдэс Россиысь, яке быдэс дуннеысь, туж-туж шумпотом», — вера лыдӟиськонниысь шаертодонъя ёзэтысь ӧнерчи Асият Фишер.
Видеороликез мерлыко вотэсэ #АнайГур #АнайКыл #УдмуртКыллэнНуналыз хештэгъёсын интыяно. Тужгес устооссэ ужъёсты кузьымъёсын пусъёзы.
Тодэ вайытом, Удмурт кыллэн дунневыл нуналэз туэ нырысьсэ пусйиськоз. Со понна 27-тӥ шуркынмонэз, удмурт кылэз кун кылэн юнматэм нуналэз, бырйизы.