Баграш-Биграос «Питыран» фестивале пыриськизы

Удмурт кыл мед вӧлмоз, солы тунсыкъяськон мед будоз, вашкала удмурт шудонъёс выльысь мед улӟозы – таӵе ужпумъёс пуктэмын вал ортчем ужрадлы.

«Визьпог» номинациын дышетӥсьёс возьматӥзы кыӵе выль амалъёс, мультимедийной презентациос кутыны луэ ужазы удмурт кылъя лыдӟиськон урокъёсын но ог-огзылы дэмланъёс сётӥзы.

Пиналъёс «Ӟечбур, удмурт кыл!» номинациын тунсыко возьматӥзы анай кыллэсь кулэлыксэ. Котькуд участник аслаз адӟытоназ турттӥз данъяны сое.

«Шудонбугорын» тодматскизы пӧртэм шудонъёсын. Бигра пиналъёс тодазы ваизы «Ӝикъя-Монья, тур» шудонэз.

«Малпаськом, котькудӥз та фестивальысь бертӥз капчи мылкыдын, умой малпанъёсын, малы ке шуоно ужрад туж ӟеч ортчиз, шӧдӥськиз организаторъёслэн рос-прос дасяськемзы. «Ӟечокъёс! Бадӟым тау!» — гожтэмын Баграш-Бигра школалэн вотэсбамаз.