Туннэ «Удмурт кенеш» огазеяськонлэн «Пичи кенешез» ортчиз

Трос аръёс ӵоже удмуртлыкез калыке пыӵатэмзы, сям-йылолъёсты но лулчеберетэз утемзы понна Вань удмуртъёслэн огазеяськонзылэн исполкомез пуктэмъя Данъян книгае вить адямиез пыртӥзы: Геннадий Корепанов – Удмуртиысь лулчеберет удысысь дано ужась, ужбергатӥсь, «Удмурт Кенеш» огазеяськонлэн исполкомезлэн ёзчиез; Юрий Перевозчиков – «Удмурт Кенеш» огазеяськонлэн Шаркан ёросысь ёзэтэзлэн азьвыл кивалтӥсез, Ёрос кенешлэн правлениезлэн ёзчиез; Елена Смирнова – Алнаш ёросысь Чем-Куюк шоръёзо школаысь удмурт кылъя но литературая дышетӥсь, Ёрос кенешлэн ёзчиез; Геннадий Шубин – «Удмурт Кенеш» огазеяськонлэн Вавож ёросысь ёзэтэзлэн кивалтӥсез; Наталия Перевощикова – Можга карысь «Октябрь» культура юртлэн чеберлыкъя кивалтӥсез, удмурт кырӟанъя «Ингур» калык ансамбльлэн кивалтӥсез.

Озьы ик туннэ «Удмурт кенеш» огазеяськонлэн «Пичи кенешаз» пусйизы Трокай Борисов нимо премиен Валериан Никитинэз — Дэри ёрос администрациысь гурт удысъя управленилэсь кивалтӥсьсэ.

Нош «Элькуновидение — 2018» конкурсын вормись — Дэбес ёрослэсь данзэ утись Артемий Гаврилов, удмурт кырӟанъя вожвылъяськонлэсь валтӥсь приззэ басьтӥз — 40 сюрс манет. Со «Пичи кенеше» люкаськем удмурт калыкез конкурсын быдэстэм кырӟанэныз тодматӥз.