«Пичи Чеберайёс но Бытыръёс» фестивальын выль номинаци луоз
Вераськон мынӥз ужрадэз выль сямен но тунсыко ортчытон амалъёс, пуштроссэ узырмытон сярысь. Кенешонэ, фестивалез радъясьёс сяна, ёросъёсысь но каръёсысь визьнодасьёс вуылӥзы. Вераны кулэ, туэ элькун фестиваль сизьыметӥзэ ортчоз ни.
Инъетэз — со удмурт сямъёсты, йылолъёсты азинтон пичи пиналъёс пӧлын, анай-атайёс пӧлын но удмурт кылэз утён.
Вылез — «Удмурт кырӟан» номинация. Татын покчиос быгатонлыксэс но возьматозы, кырӟанъёс фестивалез но шулдыртозы.
Пиналъёсты вожвылъяськонэ дасясьёслы юрттэт но дыраз луиз — кемалась ӧвӧл «Крезьгуро корка» пособие потӥз. Сое нылпи садысь ӧнерчиос ужазы кутыны быгато.
23-тӥ шуркынмонозь ортчоз вожвылъяськонлэн нырысетӥ этапез Удмурт Элькунысь ваньмаз ёросъёсын но каръёсын. 28-тӥ шуркынмонэ Эшъяськон юртын ортчоз финал.