Шаерысь вуриськисьёс лякыё киужъёсынызы тодматӥзы

Шаерамы дӥськут возьматонъёс ӵемысь радъясько. Нош таиз сӥземын лякиё киужъёслы. Кылем-мылем басма юдэсъёс, кулэтэм, вужмем дӥськутъёс — соослэсь быгатӥсь киос паймымон арбериос вуро, кыкетӥ улон сёто.

Дӥськут коллекци бордын ужась одӥгез дизайнер Ирина Рыкова верамезъя, со ужъёссэ кылдытон понна  выль басмаез кутыны ик уг дӥсьты, арам кароз шуыса кышка. Тужгес но яратэ вуж арберилэсь выльзэ малпаны, кылсярысь, дэрем вуриз вуж шторалэсь.

Надежда Касаткиналэн нош «Ошмес узы» дӥсьлюкамезлы одӥг ар но ӧвӧл ай. Нош соин пӧртэм улосъёс тодматскизы ни. Псков карын ортчем калыккуспо Этно-мода фестивальын ӧнерчи Гран-при утӥз. Та выллем дӥськутъёс шаерын вурисьёс ӧвӧл.

«Нырысь ик мон та выллем дӥськутэз интернетысь адӟи. Валай, асьмелэн тае нокин уг лэсьты. Питре дышетскыны ветлӥ. Озьы кутски та коллекциез вурыны-лэсьтыны», — шуэ Эгра ёросысь дӥськут вурись Надежда Касаткина.

Азьпалан Надежда Касаткиналэн мылкыдыз вань вашкала аръёсын бугыръяськыны, финн калыкен герӟаськем дӥсьлюкам кылдытыны.

http://www.myudm.ru/