Можгаын  «Этнобабушка» конкурс ортчоз

«Юрттэ яратоно песянайёстылы: дэмен презентация кылдытэ, семьядылэсь яратоно сиёнзэ быръе но ӵошен быгатонлыкъёстэс возьматэ», — ивортэмын Можга карлэн мерлыко вотэсаз.

Вожвылъяськонэз радъясьёс можга песянайёсты асьсэды эскерыны таӵе номинациосын ӵекто.

— Тужгес но артист быгатонлыко песянай — Самая артистичная бабушка;

— Тужгес но мусо песянай — Самая обаятельная бабушка;

— Тужгес но быгатӥсь песянай — Самая талантливая бабушка;

— Тужгес но усто пӧраськись песянай — Бабушка — лучшая хозяюшка;

— Тужгес но йӧно песянай — Самая элегантная бабушка;

— Тужгес но туала песянай — Самая современная бабушка;

— Тужгес но синмаськымон песянай — Самая привлекательная бабушка.

Песянайёслы сӥзем конкурсъёс шаерамы уно гинэ ортчытъясько.  Ижкарын ялэмын  «Арлэн песянаез»  вожвылъяськон. Озьы ик арлы быдэ элькунамы ортче  «Зарни песянай» конкурс. Сое радъя калык творчествоя элькун юрт.