Дышетон удысэз витё воштӥськонъёс

Туэ со чылкак выль амалэн радъяське, кыстӥськоз 2 нунал ӵоже. Ужрадэ 1 сюрс 500 пала адями люкаськемын — дышетӥсьёсын ӵош отчы пырисько пӧртэм удысъёсысь экспертъёс, ужбергатӥсьёс. Элькунмылэн палэнысьтыз вуэмъёс но вань — Москваысь, Пермь улосысь, Татарстанысь, Комиысь. Ужало 70-лэсь ятыр пӧртэм секциос, мастер-классъёс, дискуссиосъя площадкаос, экскурсиос.

Конференциез усьтонэ пыриськиз Удмуртилэн Тӧроез Александр Бречалов. Шуиз: республикамы сюлмаськоз егит специалистъёсты школаосы кыскон пумысен. Нош дышетонъя но но наукая министр Светлана Болотникова пусйиз: учебникъёс басьтонлы элькун бюджетысь туэ 178 миллион манет висъямын — со туж бадӟым лыдпус, соин ик дышетскон пособиос вань пиналъёслы тырмыны кулэ.

Ужрадъёс огдыре кӧня ке площадкаосын ортчо: Нылпиослэн творчествозыя юртын, «Кванториум» нылпи технопаркын, «Альтернатива» но быдэ вуымтэослэн реабилитацияя центръёсын. Ӝутӥсько пӧртэм ужпумъёс. Но ваньзы соос озьы-а, тазьы-а герӟаськемын дышетон удысын ортчоно воштӥськонъёсын.